A Urtijëi, sun “Col da Brida”, sun la promenade ulache l passova n iede la ferata de Gherdëina, iel da udëi la locomotiva dla ferata che ie mueta per l ultimo iede ai 28.05.1960 da Tluses (539 s.l.d.m.) nchin te Plan (1607 s.l.d.m).
Ai 15 de setëmber ài metù man a fé su la ferata, y de fauré dl 1916 àla pudù jì l prim iede. 12.000 lauranc, de chëi 6.000 rusc perjunieres de viera, à judà a fè su la ferata.
Danter la prima y la segonda viera mondiela fova la ferata de Gherdëina l culegamënt plu mpurtant dla val y l mesun de trasport plu adurvà. Cun chësta univel traspurteda roba da maië, material per fabriché y dut chël che n possa mé se nmaginé per fé crëscer l luech turisticamënter. La univa ënghe adurveda per purté la chiena ora dla val.
Ti ani ’60 ie pona l auto deventà plu mpurtant y la ferata ne univa nia plu drë adurveda. Dai 28 de mei dl 1960 incà ne furnea la locomotiva nia plu tres la valeda.
Test tëut ora dal liber de Mussner, Rudolf(2010), Nosta Sëlva, 1a edizion, Sëlva
