Ulà y can muessi pa mëter ora l chibl?

L chibl ie da mëter ora stlut la sëira dan che l vën jetà ora, dlongia la streda chemunela te na luegia ulache n l veija bel snel.

Muessi pa mëter ora l chibl per l’abineda uni ena?

No. L ie cunsià mëter ora l chibl me canche l ie plën.

Ula possi pa cumpré i sac che se desfej biologicamënter?

I pitli sac che se desfej biologicamënter per l cëst de lën possen inant cumpré te Chemun. L sach che se desfej biologicamënter per l chibl “ros” da 25 litri unirà baratà do uni jetamënt, da pert dla firma nciariëda per l’abineda dl refudam, cun n nuef che unirà metù ite tl chibl.

Ei metù ora regularmënter l chibl ma l ne ie nia unì jetà ora y l ne ie degun avis che me spiega la gaujia, cie muessi pa fé?

L abineda vën fata generalmënter da duman, ma te vel caji de ezezion possa l’abineda nce ji inant domesdi. Sce n ie dla minonga de avëi metù ora sciche l se toca l chibl y l ie nia unì jetà ora pona iel drët l fé al savëi al Chemun.

Cie muessi pa fé sce l chibl se romp?

I chibli vën dac ora debant, perchël muessa uni utënt i adurvé cun cura. Sce l se ëssa per cajo da se rumpí possen fé dumanda de sostituzion al Chemun. Tl mumënt canche n vën a to l nuef chibl muessen dé ju l chibl rot.